БАЧИНЦИ – У Церкви святого апостола и евангелисти Луки, вчера, 15. марца преосвящени владика кир Георгий Джуджар зоз домашнїм парохом о. Дарком Рацом пошвецел нови криж и куполу, хтори потим дзвигнути на турню церкви.
З тей нагоди до кулї по традициї положена шветочна грамота, хтору пред тим преосвящени кир Георгий пречитал вирним.
Горню, верхню часц турнї, односно куполу и позлацени криж виробело подприємство „Кронос“ зоз Вершцу, вони и з помоцу велькей дзвигачки тоти часци положели и инсталовали на турню. Спомнуте самостойне подприємство скорей окончело роботи на санираню закрица и на главних уходних дзверох до церкви, после лоньскей бурї у юлию, кед церква прецерпела вельки очкодованя.
Финансованє спомнутих роботох оможлївене зоз средствох АП Войводини, парохиянох з Бачинцох и других, а помогло и Сримске владичество Сербскей православней церкви.