ИНДЇЯ – Вирни у Индїї свой Кирбай и храмове швето Успениє Богородици, преславели внєдзелю, 27. aвґуста зоз шветочну Службу Божу на 11 годзин, хтору предводзел парох сримскомиторвицки о. Иґор Вовк, а сослужел о. Ярослав Варґа, капелан зоз Руского Керестура и домашнї, индїйски парох о. Михайло Шанта.
У своєй казанї о. Иґор Вовк визначел же вира до Марийовей присутносци у нашим живоце, барз важна, же ю треба почитовац и прейґ єй присутносци любиц чесноти и ближнїх.
На Служби Божей дзияковали Милка Питка и панїматка Зоя Шанта, хтора и читала Апостол, а була присутна и панїматка Ана Варґа зоз Руского Керестура.
На Богослуженю було красне число вирних, медзи нїма и надосц младих. Тиж, було и госцох хторих привитали домашнї парохиянє и парох о. Михайло Шанта.
