НОВИ САД – У Заводу за културу войводянских Руснацох нєшка, 24. априла, на 17 годзин будзе отримана промоция виданьох Рускей матки.
О кнїжкох буду бешедовац авторки и авторе и рецензентки и рецензенти кнїжкох:
проф. др Иван Поп Мала история Русинох (2021);
проф. др Михайло Фейса, мср Славица Чельовски Руски язик и ИСО-код / Русински језик и ИСО-код (2023);
Владимир Дудаш Иванов Шмих нє грих (2023);
Лїляна Кирда Ядро (2024);
мср Тамара Хома Руски язик медзи карпатскима славянскима язиками и диялектами (2024);
prof. dr Ivan Pop Mala istorija Rusina (2024);
Владимир Лазор Путованє през шаховске кральовство (2024);
проф. др Михайло Фейса, проф. др Александар Янкович Перши конфесионални школи на руским язику у Бачкей (2024);
проф. др Михайло Фейса, мср Доротеа Будински Бабич, мср Славица Чельовски Интеркултурална димензия у образовней вертикали на руским язику / Интеркултурална димензија у образовној вертикали на русинском језику (2024);
а кнїжка Михайла Катону Порученя заспаному народу (2025) будзе мац премиєрну промоцию.
Зоз Рускей матки гваря же кнїжки годно достац без пенєжного надополнєня.
Промоция будзе мац и инструменталну и тамбурашску часц.
После промоциї орґанизаторе планую отримац и кратку схадзку Управного одбору Рускей матки и Редакциї Руснак зоз двома точками, а то – Комплетованє звитох за 2024. рок и планох за 2025. рок месних/городского/реґионалного одборох и Вибор делеґациї од 15 членїци/членох и єй пририхтованє за участвованє Рускей матки на 18. Шветовим конґресу Русинох/Руснацох/Лемкох у Парламенту Републики Румуниї.