НОВИ САД – Радио драма „Воденїчка на стриберним потоку” автора Мирона Будинския, котра як проєкт реализована у децембру 2024. року, тих дньох обявена на Ют’юбу, на каналу Ruskeslovozadzeci.
Тот проєкт Руски културни центер реализовал вєдно зоз НВУ „Руске слово” и зоз финансийну потримовку Заводу за културу войводянских Руснацох. У твореню тей радио драми участвовали вецей особи – сказку „Воденїчка на стриберним потоку” драматурґийно присподобели учительки Оля Яковлєв и Ана-Мария Рац, конферансиє бул Славко Винаї, хлапец Еван Медєши, леґинь Михайло Ковач, дзивка и птица Кристина Ковач, мац Ясмина Дюранїн, богач Йовґен Надь, цар Славко Бучко, воденїчка Саня Дивлякович, параст Саша Сабадош и улогу жени одґлумела Наташа Макаї Мудрох. Задлужени за музику бул Мирослав Пап, а у технїчней часци проєкту знїманя и монтажи участвовал Йован Живкович. Консултантка була Лара Петкович.
Радио драма премиєрно емитована на Дзецинскей крачунско-новорочней програми „Пахулька” 17. децембра.