РУСКИ КЕРЕСТУР – Фодбалски клуб „Русин” внєдзелю 13. априла у Руским Керестуре одбавел седме першенствене стретнуце другей полусезони ПФЛ Зомбор процив екипи ФК „Крила Країне” и у дербию кола зазначел побиду зоз резултатом 2:1.
Обидва ґоли за екипу Русина дал Илия Йованович.
Русин бавел у составе: Михайло Надь, Желько Шомодї, Стефан Тома (c), Александар Кочиш, Деян Павлович (Владимир Кочиш), Виктор Надь (Деян Будински), Оґнєн Маркович, Деян Югик, Петар Аґбаба, Илия Йованович (Дарко Гарди) и Деян Чернок (Боян Надь).
На лавочки ище бул и Александар Драґутинович.
Идуце 23. першенствене коло ПФЛ Зомбор ФК „Русин” будзе бавиц на нєдзелю 20. априла у Обровцу процив екипи ФК „Борац 46”. Стретнуце почнє на 16:30 годзин.
