РУСКИ КЕРЕСТУР – Когуцики и пионире Фодбалского клубу „Русинˮ, всоботу 7. октобра угосцели екипу „Душан Силниˮ з Вербасу процив хторей одбавели аж шейсц змаганя.
За наймладшу екипу наступели дзеци 1. класи основней школи хторим то було и перше змаганє. Вони процив Вербащаньох страцели зоз благу резултатску предносцу од 2:3. По єден ґол дали – Матей Варґа и Павле Виславски.
Старши когуцики, дзеци 2. класи, страцели з резултатом 6:10, а ґоли за свой тим дали Михайло Шомодї и Лука Тасич по два, док по єден ґол дали Дориян Попович и Стефан Такач.
Дзеци 3. класи страцели зоз 8:3, а кус старши як вони, дзеци 4. класи, одбавели нєришено 1:1. През цале стретнуце трацели, медзитим два минути пред конєц виєдначую дзекуюци ґолу Даниела Фейдийового.
Екипа дзецох 5. класи була на крочай од побиди, з резултатом од 5:5. Аж штири ґоли за свой тим дал Андрей Виславски, и то потераз його найлєпше одбавене стретнуце, а окрем нього, єден ґол дал и Ален Бики. Цале стретнуце судзел Тихомир Медич.
Того викенду на шоре бавиц 4. коло у своєй Лиґи, та когуцики и пионире ознова буду бавиц процив Вербащаньох, алє тераз як госци и то процив екипи ЦФК.
