РУСКИ КЕРЕСТУР – На нєдзелю, парохия Святого Миколя означує швето Сошествиє Святого Духа, у народзе волане Русадля.
На соботу рано будзе на 8 годзин рано у храме Служба Божа, бо 27. мая пада и V Задушна собота. На 19 годзин будзе ше служиц Служба Божа у Водици, а у катедралним храме ше будзе служиц Всеночне на 20 годзин.
Як звичай у Керестуре, вирни соботу вечар квица капури и облаки зоз желєнїдлом.
На нєдзелю, на швето, Служби Божо буду на 9, 11:30 и 19 годзин. Того дня будзе и мированє за дзеци котри през тидзень нє годни присц на Служби.
Пондзелок, на Други дзень Русадльох, 29. мая Служби Божо буду на 8 и 10 годзин у храме, а вечарша на 19 годзин у Водици, кед будзе и мированє.
Вовторок, 30. мая процесия до Водици руша на 17 годзин зоз порти Катедрали, на Завитни дзень будзе ше служиц Служба Божа у Водици и у катедрали на 19 годзин.
Стреду, 31. мая, на швето Царици Богородици Служба Божа и молебен буду на 19 годзин у Водици.