БАЧИНЦИ – У Церкви святого апостола и евангелисти Луки торжетвено преславени крачунски швета з молитвами и коялдами народзеному Исусови.
Парох о. Дарко Рац на Вилїю рано служел Службу Божу, а вечар на 20 годзин Саночне на хторим вирни привитали новонародзеного Исуса з молитвами и краснима колядами.
Дзеци колядовали по обисцох, а тиж колядовали и на Парохиї. После Саночного предлужене зоз шпиваньом колядох на Парохиї, дзе було и друженє, а порихтане було вареного вина и лакотки.
На перши дзень швета була Крачунска литурґия зоз мированьом, о. Дарко Рац будзе служиц Службу Божу и на други дзень швета, на Собор Пресвятей Богородици на 10 годзин, а тиж и на швето Святого першомученїка Штефана на вовторок тиж на 10 годзин.
