ШИД – Кир Георгий Джуджар и скоро шицки священїки Епархиї св. отца Миколая од пондзелку пополадня, 19. юния по штварток 22. юния на парохиї Преображеня Господнього маю духовни вежби.
Тема духовних вежбох „Идентитет свяшенїкаˮ. Кажди дзень преподаваня трима о. Роберт Фаркаш, парох парохиї св. Леополда Мандича зоз Славонского Броду. Вон, иншак, окончує и длужносц студентского капелана и активни є у роботи з младима.
Нашим священїком вєдно зоз кир Георгийом кажди дзень отримує два преподаваня до поладня и єдно пополадню, а попри преподаваньох маю и богослуженя, Вечурню и Часи.
Священїки змесцени у парохиї храму Преображеня Господнього у Шиду.
