БЕРКАСОВО/БИКИЧ – У Церкви собору святого архангела Михаила у Беркасове на Вельки пияток було хованє Христово и покладанє плащанїци до гроба, а на Вельку ноц парох о. Владимир Еделински Миколка служел шветочну Службу Божу и пошвецел паски.
У Беркасове Служба Божа служена и пондзелок кеди було и мированє, а тиж и вовторок.
У Церкви Успеня Пресвятей Богородици у Бикичу на Вельки пияток було хованє Христово з покладаньом плащанїци до гроба, а на перши дзень Велькей ноци парох о. Владимир Еделински Миколка служел шветочну Службу Божу на осем годзин и потим пошвецени паски.
У Бикичу Служба Божа служена и на други дзень швета, пондзелок кеди було и мированє.
По традициї на други дзень швета пополадню о. Еделински пошвецел гроби и то перше на теметове у Беркасове, а потим у Бикичу.
