Торжествено преславене швето

1k Опатрене

ОПШТИНА ШИД – У грекокатолїцких церквох у општини Шид торжествено преславени Kрачун. У церкви у Шидзе парох о. Михайло Режак на 22 годзин служел Саночне на хторим було вельке число вирних, хтори шпивали коляди новонародзеному Исусови. После Саночного єдна часц вирних предлужела друженє у Руским доме у сали хтора була прикрашена з нагоди Крачуна.

Парох о. Михайло Режак служел Служби Божо и на перши дзень швета кед було и мированє, та и на други дзень швета.

У церкви у Беркасове парох о. Владимир Еделински Миколка служел Саночне на 19 годзин як и богослуженя през днї швета, а першого дня було и мированє.

У церкви у Бикичу о. Еделински служел Саночне на 21 годзину после хторого вирни, а окреме дзеци хтори як и каждого року, колядовали и предлужели друженє у крашнє прикрашеней сали Дома култури. Мированє було на перши дзень швета после Служби Божей, а на треци дзень швета будзе служена Благодарна Служба Божа за шицких Бикичаньох.

ПОВЯЗАНИ ТЕКСТИ