ШИД – У грекокатoлїцких церквох у општини Шид торжествено преславени Крачун з молитвами и у духу традициї.
У Шидзе на Вилїю школски дзеци зоз наставнїцу Наташу Еделински Миколка ходзели по обисцох колядовац, а вечар на 22 годзин у Церкви Преображеня Господнього парох о. Михайло Режак служел Саночне на хторим було и досц младих.
По традициї после Саночного крачунска радосц предлужена у Руским доме зоз шпиванку и друженьом.
На перши дзень Крачуна о. Режак служел крачунску Службу Божу на хторей пречитал крачунску винчованку преосвященого владики кир Георгия Джуджара.
Нєшка (пондзелок) тиж будзе служена Служба Божа после хторей будзе мированє, а Служба Божа будзе служена и на св. Штефана (вовторок) на 10 годзин.
