КРУЩИЧ – Зоз Општинскей смотри смотри „Милан Єкнич“ котра отримана внєдзелю, 24. марца, у Крущичу тройо рецитаторе – Олеґ Катона, Милена Рамач и Александар Планкош пласовали ше на Зонску смотору рецитаторох „Поето народу мойого“ до Бачу.
У наймладшим возросту рецитовали Кристина Рамач, Олеґ Катона и Михела Малацко, у штреднїм возросту Исак Новта и Милена Рамач, а у старшим Александар Планкош, Яна Варґа и Ема Живкович. За смотру их пририхтали фахово руководителє Мирослав Малацко и Оленка Живкович, котрей помагал Александер Планкош..
Селектор смотри бул ґлумец Сербского народного театру у Новим Садзе и професор на Академиї уметносци Предраґ Момчилович, а консултант за руски язик Амалия Ковач зоз Кули.
Госци на смотри були писатель Давид Кецман Дако и кантавтор Иван Лешчешен.
Смотру орґананизвала КПЗ општини Кула, КУД „Крущич“ зоз Крущичу, ОШ „Велько Влахович“ и МЗ Крущич. Покровитель смотри була Општина Кула.