ШИД – У Народней библиотеки „Симеон Пищевич“ вчера, 5. фебруара отримана промоция 22. числа часописа за културу „Шидина“.
Змист часописа кратко представел редактор часопису Срдян Малешевич, а обсяжнєйше о теми числа дакедишньому писательови и учительови Васильови Мудри бешедовал професор Зденко Лазор, хтори и порихтал прилог за часопис о Мудрийови.
На промоциї зоз читаньом поезиї представени поетове хтори заступени у тим чишлє, а зоз своїма роботами участвовали и присутни авторе.
Тиж свойо кнїжки о школи, просвити и грекокатолїцкей церкви у Бачинцох кратко представела секретар Дружтва за руски язик, литературу и културу Ирина Папуґа, хтора потим подаровала до библиотеки кнїжки и зборнїки „Studia Ruthenica“.
Поетско-литературни вечар музично збогацели школяре Основней музичней школи „Филип Вишнїч“ зоз Шиду.
