КОЦУР – По сообщеню Основней школи „Братство єдинство” у Коцуре, санациї на закрицу, котре всоботу, 4. фебруара очкодоване од моцного витру, почали початком тижня. Плановане же би по конєц тижня було закончене оправянє закрица.
Пре цалу ситуацию и безпечносц шицких, компетентни орґани препоручели же би ше, по законченє роботох на оправки закрица, настава у просторийох школи нє одвивала. Настава ше тераз нє отримує, а нє будзе анї наиходзацих дньох. Коцурски школяре треба же би ше врацели до учальньох 20. фебруара, а шицки годзини буду надополнєни.
Най здогаднєме, у пополадньових годзинох всоботу, под час отримованя манифестациї „Капушнїк фест” у Коцуре, случело ше нєщесце кед моцни витор знял закрице зоз будинку Основней школи. Теди очкодоване и закрице на просторийох котри повязую будинок школи и физкултурну салу, як и закрице на физкултурней сали.
Место подїї такой було защицене, а на терен вишли екипи полициї и огньогасцох. У просторийох школи у тей хвильки було школярох и занятих, алє на щесце, покалїчени особи нє було.
