НОВИ САД – У нєшкайшей емисиї „Добри вечар Войводино” госци у студию буду представнїки месних заєднїцох Руского Керестура, Коцура и Дюрдьова, а бешедовац ше будзе о найважнєйших роботох котри поробени у предходим року и о тим цо будзе у фокусу у наступним периодзе.
До емисиї ше годни уключиц и почитовани патраче, прейґ телефона котри будзе обявени на початку емисиї.
Друга часц емисиї резервована за портрет Любомира Папуґи зоз Суботици, котри през свойо животне искуство виприповеда як жию особи зоз очкодованим слухом у Сербиї.
Емисия „Добри вечар, Войводино” почина на 20:30 годзин, а будзе репризована такой на ютре (пияток) вноци на 3:10 годзин и дополадня на 9 годзин.