НОВИ САД – У 29. числу найновшого виданя новинох Руске слово, на Тижньовнїку мож почитац о правним рамику за защиту националних меншинох о чим дискутоване на конференциї хтору орґанизовал Центер за реґионализем.
Рубрика Нашо места дава прегляд рижних случованьох у местох дзе жию Руснаци, медзи хторима и звити о даєдних од провадзацих програмох на 46. културней манифестациї Коцурска жатва и стретнуце младих – роботнї за наймладших и етно столох.
У рубрики Економия мож пречитац же олєйов репчень добре зродзел. У рубрики Култура и просвита читаче можу пречитац подробно о 46. културней манифестациї Коцурска жатва под час хторей, окрем главней програми були и рижни провадзаци и стретнуцa младих у Коцуре: придаванє хлєба, промоция Википедиї на руским язику и означованє 80. ювилея активу женох КУД Жатва.
Рубрика Людзе роки живот приноши розгварку зоз Жельком Пашом зоз Руского Керестура хтори у першей класи основней школи ступел до фолклорней секциї Дома култури Руски Керестур и з нього по нєшка, практично анї нє вишол.
На рубрики Дружтво находзи ше предлуженє виривкох зоз кнїжки Як гуторя дїдове, швет бул давно иншаки автора о. Владимир Еделински Миколки. На Духовним живоце мож пречитац о Кирбаю у Новим Садзе, а у рубрики Спорт подцагнута смужка у наших фодбалских клубох.
На рубрики Горуци тепши читаче можу пренайсц два рецепти од кухаркох хтори достали дарунок за свою активносц у тей популарней рубрики. Як додатки у тим чишлє вишло Руске словечко и Мозаїк.