НОВИ САД – У виданю НВУ „Руске слово”, а у едициї „Заградка”, тих дньох вишла кнїжка за дзеци „Приповедки пред спаньом” авторки Златки Чизмар, хтору илустровала Александра Русковски.
Кнїжка „Приповедки пред спаньом” 10. кнїжка у едициї „Заградка”, а наменєнa є дзецом возросту од штирох до дзешец рокох.
Як медзи иншим визначела рецензентка тей кнїжки Ирина Гарди Ковачевич – наймладши роки потенциялних читачох барз важни, бо ше теди у дзецку оформює будуци любитель кнїжкох. Тиж так, вона наглашела и же у приповедкох Чизмаровей очивисна авторкова намира исц и далєй – дошлїдно реализовац намиру през кажду приповедку буц и педаґоґ. Єй приповедки полни цеплоти и вше на шлїду похопйованя же живот дзецка и одроснутих у интеґрациї зоз другима живима существами и природу котра нас окружує.
Тоту нову кнїжку приповедкох за дзеци мож купиц за 700 динари (на знїженю хторе тирва за 490 динари) у представительствох НВУ „Руске слово” – у Новим Садзе на адреси Футожска 2, ІІІ поверх (од 9 по 14 годзин) телефон 021/6613-697. У Руским Керестуре у будинку дакедишнєй Друкарнї на II поверху и на телефон 025/51-00383 або 025/703-311 (од 9 по 14 годзин), як и прейґ колпортерох по наших местох.
Тиж так, шицки рускословски кнїжки мож наручиц и прейґ сайту https://knjizkiporuski.com.