РУСКИ КЕРЕСТУР – Прешлей нєдзелї керестурска парохия св. Миколая видала нове число християнского часопису „Дзвони” за септембер.
Уводни текст преглїбює нєзаповедане швето Покров Богородици, а други текст бешедує о мешацу Ружанцу – октобру. Ту и нове Слово живота зоз духовним шведоченьом як мож практиковац тото Слово у каждодньовим живоце.
Окремна часц пошвецена Марийовому святилищу – Водици о збуваньох през тот ювилейни рок у нїм, як ше збера средства и напредую роботи у Емаусу, а дата и тема хтора була на тогорочним Водицовим кампу.
Ту и запис о стретнуцу католїцких владикох Восточних Церквох Европи на хторим бул и наш епарх кир Георгий Джуджар.
И читаче збогацели тото виданє зоз своїма текстами – дожице єдней читательки як на нєзвичайни способ дожила моц молитви, а молитви пошвецена и єдна писня.
Читаче можу пречитац и о прикладох вири и гуманосци визначних особох и о подїйох по наших парохийох и у швеце.