Здравствени стан у Руским Керестуре

автор Ол. Живкович
734 Опатрене

РУСКИ КЕРЕСТУР – Нагли пременки хвилї найчастейше охабяю пошлїдки и на особи зоз хронїчнима хорoтами и на здрави особи. Єдна зоз загрожених ґрупох то дзеци котри часто на тото реаґую неґативно, визначела специялиста общей медицини, руководителька Здравственей станїци у Руским Керестуре др Златана Надь. Тиж єст вецей и пациєнтох котри ше явяю зоз респираторнима и ґастроинтестиналнима хоротами.

Перши ше поносую же их болї гарло, чури им з носа, болї их глава и маю сухи и надражуюци кашель котри ше предлужує и по два-три мешаци. Други, ґастроитенстинални хори ше поносую же им мло, преганя их, а зоз тима симптомами явя ше и висока горучка.

Хори ше явяю и зоз запалєнима очми и тот хорота тирва и до 10-14 днї, цо тиж треба лїчиц у лїкара, же би ше хорота нє закомпликовала. Хори котри маю хронїчни хороти як астма и алерґийни ринитис ше тих дньох тиж частейше явяю до амбуланти.

Надьова визначела же зоз тима симптомами приходза пациєнти шицких возростних ґрупох и препоручела притримовац ше порядней терапиї, кед у питаню хронїчно хори.

Шицки Керестурци би требали обрациц увагу на превентиву, мерковац на свойо костиранє, хасновац суплементи, швижу поживу и нє затримовац ше у завартих просторийох дзе єст вельо потеницялно обераци особи.

ПОВЯЗАНИ ТЕКСТИ