Промоция кнїжки Меланиї Римар и Змайових дзецинских бавискох

автор злк
1k Опатрене

КОЦУР – У ОШ „Братство єдинство“ у Коцуре Мелания Римар вчера, 30. мая, отримала промоцию своєй кнїжки „Чи ми верице – Да ли ми верујете“, алє и 60. Змайових дзецинских бавискох, хтори у Новим Садзе и сушедних местох буду отримани од 7. по 11. юний.

На промоциї були школяре з руских одзелєньох од другей по шесту класу и школяре котри у коцурскей Школи факултативно виучую руски язик.

Писателька Римарова школяром пречитала писнї зоз своєй кнїжки и приємно ше нєсподзивала же дзеци упознати з велїма писнями и писателями чийо писнї у тей кнїжки преложени на руски язик. Тиж так, дзецом потолковала програми и значносц „Змайових дзецинских бавискох“ и яки кнїжки вони видаваю.

На концу промоциї Римарова школяром подзелєла нотеси з лоґом „Змайових дзецинских бавискох“, а учительки достали по єден прикладнїк єй кнїжки „Чи ми верице – Да ли ми верујете“.

ПОВЯЗАНИ ТЕКСТИ