Шарчевич꞉ ,,Мегчейша форма дуалного образованя як у Нємецкейˮ

автор тнґ/мар
997 Опатрене

БЕОҐРАД – Скупштински Одбор за образованє, науку и технолоґийни розвой и информатичне дружтво прилапел Предклад закона о дуалним образованю, а ресорни министер Младен Шарчевич гварел же ше Сербия опредзелєла за мегчейши модел дуалного образованя у одношеню на тот котри постої у Нємецкей и Швайцарскей.

Министер просвити, науки и технолоґийного розвою гварел же по тим принципу нє буду на силу заверани школи. Вон гварел же школяре нє буду мац тварди обовязки ґу компанийом у котрих буду обучовани за роботу, и же з Предкладом закона о дуалним образованю предвидзени варияциї же би школяр прешол од єдного ґу другому роботодавательови под час школованя.

Дуалне образованє будзе будзе понукнуте як вибор, а нє обовязка. Школяр после закончених трох класох школованя и двох рокох роботного искуства будзе мац припознату и штварту класу штреднєй класи.

По законченей розправи Одбор прилапел Предкладанє закона у началє котри будзе на дньовим шоре нєшкайшей схадзки Парламенту. Пред посланїками буду и вименки Закона о предшколским воспитаню и образованю, о основним образованю и воспитаню, як и штреднїм образованю и воспитаню котри вчера Одбор тиж прилапел.

ПОВЯЗАНИ ТЕКСТИ