ДЮРА ЛАТЯК (Руски Керестур, 1933), публициста и писатель. Новинарску школу закончел у Беоґрадзе (1951), а Висшу школу дружтвено-политичних наукох у Новим Садзе (1962).
Роботни вик препровадзел у новинарстве и видавнїцтве на руским язику, перше у Редакциї новинох „Руске слово”, вец як главни и одвичательни редактор и директор (1965–1970). Главни и одвичательни редактор Редакциї видавательней дїялносци НВП „Руске слово” бул по одход до пензиї.
Автор є двох кнїжкох прози, даскелїх моноґрафийох зоз обласци историї и култури Руснацох, як и велького числа статьох. Єден є зоз сновательох Аматерского руского театра „Дядя” и автор моноґрафиї з нагоди 25-рочнїци театра, познати є и як прекладатель литературних и драмских дїлох зоз сербского, руского, словацкого и українского язика на руски и зоз руского на сербски и українски.
Ношитель є найвисших припознаньох за дружтвену и културну дїялносц.