ЮЛИЯН ПАП

автор Ясмина

Papp JulijanЮЛИЯН ПАП з Нового Саду, родом з Руского Керестура (1943), дакедишнї дружтвени и просвитни роботнїк, польопривредни фаховец, новинар-редактор, нєшка пензионер. Вецей роки преподавал анґлийски язик у школи, оводи и старшим, найвецей у Керестуре.

У свой час преложел школску лектиру „Кнїжка о джунґли”, даєдни учебнїки и словнїки, кнїжку з науки за младих „Природа бешедує о Богу”, написал  руски приручнїк за ученє анґлийского язика за дзеци и початнїкох „Добре рано”, обявел збирку гуморескох з валалского живота, числени прилоги з рижних обласцох у велїх виданьох.

Робота з найменшима дзецми опредзелєла го же би праве за нїх писал лєгки приповедки и писньочки, черпаюци инспирациї з їх дзецинского швета. У тей кнїжки вибрани даскельо красни приповедки и писньочки, медзи нїма и даєдни преклади з анґлийского язика, хтори предходних рокох обявйовани на бокох Дзецинского часописа „Заградка”.