РУСКИ КЕРЕСТУР – На Републичним змаганю за младши катеґориї – когуцики, пионирох и надїї у каратеу, котре отримане всоботу 31. марца и внєдзелю 1. априла у Зомборе у Велькей сали городскей гали „Мостонґа”, участвовали и двоме члени Карате клубу „Русин”, а на шицких змаганьох участвовали вецей як 1 500 змагателє.
После пласману з Покраїнского змаганя у Индїї, на Републичним змаганю у катеґориї надїйох всоботу ше змагал Ґлориян Штранґар у катох, у конкуренциї дванац пласованих змагательох. Внєдзелю у истей катеґориї у борбох, змагали ше шеснацецеро учашнїки, алє ше Андрейови Дудашови и Ґлориянови Штранґарови нє удало освоїц медалї.
У рамикох того змаганя у шветочней сали Скупштини городу Зомбор була отримана и манифестация з нагоди преслави 50 рокох карате спорту у Войводини.
Одход на тото змаганє помогли родичи Штранґарово и Дудашово, а млади надїї пририхтал тренер Михал Орос.