НОВИ САД – Нови Сад и околїско вчера коло 12 годзин залапела буря з моцним витром, дижджом и каменцом, хтора направела менши проблеми у транспорту.
У бурї у центре Нового Саду з Церкви мена Марийового (Катедрали) спаднул фалат фасади на улїцу, алє нїкого нє покалїчел.
По вчерайших перших информацийох, найвецей каменцу було на сримским боку городу – у Петроварадину, Сримскей Каменїци и других населєньох на Фрушкей гори, алє и у пригородских местох на бачким боку.