ВЕРБАС – У вербаскей општини почала акция систематичного знїщованя суньоґох у орґанизациї Оддзелєня за защиту животного штредку и енерґетски менаджмент, пише сайт Општини Вербас.
Заинтересованим гражаданом ше безплатно будзе дзелїц БТИ таблети за знїщованє ларвох суньоґох, а предносц маю обисца хтори ше занїмаю з польопривреду, статкарством, лєбо живинарством, як и власнїки пластенїкох. Предносц у доставаню таблетох буду мац и обисца хтори маю висши уровнї поджемних водох, як и други загрожени фамелийни маєтки.
Таблети мож превжац у шицких месних заєднїцох, кажди роботни дзень у маю и юнию.