ШИД – Вчера вечар, з нагоди 6. децембра и означованя 74-рочнїци ошлєбодзеня Шиду, як и Дня општини, отримана шветочна схадзка Скупштини општини и шветочна Академия у Културно образовним центре.
Предсидатель Скупштини општини Велимир Ранисавлєвич здогаднул на подїю пред 74-ома роками кед Шидянє после числених жертвох и церпеньох дочекали шлєбоду. Ранисавлєвич поручел же ше тоту шлєбоду муши пестовац и на славну прешлосц здогадовац млади ґенерациї.
З шветочней нагоди по традициї додзелєна Децемберска награда котру того року достала Полицийна станїца у Шидзе за вельке доприношенє у безпечносци гражданох, окреме у условийох миґрантскей кризи.
Подзекованє достала Индустрия меса „Срим”, а плакети Покраїнска Влада, Канцелария за управянє з явнима укладанями Влади Републики Сербиї и Покраїнски секретарият за польопривреду, водопривреду и лєсарство.
На шветочней Академиї виведзена и уметнїцка програма „Ґолґофта и воскресенє Сербиї 1914–1918” у виводзеню ґлумцох Народного театра зоз Беоґраду.
Источасно швето з нагоди Дня ошлєбодзеня и Дня општини були и у знаку означованя 100-рочнїци побиди у Першей шветовей войни и 100-рочнїци просоєдинєня Войводини Сербиї ґу Кральовини Сербиї.
