РУСКИ КЕРЕСТУР – Всоботу, 2. юния, з годзину пошвецену еколоґиї закончена Школа рибарства за 38 пионирох членох Здруженя спортских рибарох (ЗСР) „Коляк” хтора отримана два соботи, а учашнїки достали дипломи и дробни рибарски прибор.
Годзину еколоґиї на тему „Еколоґия и животни штредок” пиониром отримала млада професорка биолоґиї Светлана Няради, хтора заключела же вони еколоґийно досц освидомени, маю и добре знанє о тей теми и буду приклад своїм парняком як чувац свойо околїско.
Предсидатель ЗСР „Коляк” Михайло Пашо наглашел же им мило же дзеци заинтересовани за тот спорт и за еколоґию и Здруженє до нїх жада и надалєй укладац. У присустве членох Управного одбору Здруженя, Пашо учашнїком школи рибарства уручел дипломи и поволал их участвовац на змаганю хторе „Коляк” вчера орґанизовал.
