РУСКИ КЕРЕСТУР – Традицийни Керестурски котлїк будзе отримани на соботу 29. авґуста на керестурским базену, а учашнїки ше можу приявиц по нєшка, 27. авґуст.
Змаганє у вареню рибового паприґашу орґанизує домашнє Здруженє спортских рибарох Коляк.
Котизация за змаганє 5.000 динари, а екипи котри ше приявя достаню три кили очисценей риби и хлєб, паприґаш варя на бутан и приноша свой прибор за єдзенє.
На число телефона 064/330-6152 мож достац шицки информациї и окончиц прияву на змаганє.
Змаганє почнє по прияви екипи и пребераньом риби од 14:30 годзин, на 18 годзин будзе конєц змаганя и придаванє уварених прикладнїкох котлїку, а на 19 годзин будзе преглашованє побиднїкох и додзельованє погарох и наградох.