КОЦУР – На пияток, 28. авґуста у Коцуре будзе преславене швето Успениє Пресвятей Богородици – Велька Матка Божа, односно Кирбай. Тото храмово швето у Коцуре означую и грекокатолїцка и православна церква.
Дзень у грекокатолїцкей церкви почнє зоз Утриню на 7:20 годзин, а потим на 8 годзин будзе служена Дзецинска служба.
Святочна Кирбайска Служба Божа зоз обходом почнє на 10 годзин, а на 16 годзин будзе и Вечурня. Штварток вечар, 27. авґуста, будзе Всеночне за Кирбай.
Вирни того дня дочекаю и своїх госцох, а и того року ше обчекує же будзе нащивена вашарска часц Кирбаю, як и забавни парк котри змесцени у школским дворе.
Млади годни виберац место за розвагу у валалских кафичох, котри з нагоди Кирбаю звекшаю свойо капацитети и понукаю музику за шицки смаки.