КОЦУР – Фодбалере коцурского Фодбалского клубу „Искра” вчера, 29. януара, почали пририхтованя за ярню часц сезони у Подручней лиґи Суботица, котра почнє початком марца. Красна хвиля оможлївела же би ше тренинґи отримовало на стадионє, на отвореним.
На перши тренинґ з новим тренером Бором Абрамушичом, пришли 17 бавяче од котрих двоме фодбалере з младших катеґорийох.
До ярнєй часци „Искра” войдзе змоценєна зоз штверима новима бавячами, алє и ослабена, понеже Клуб у жимским преходним термину напущел Лука Країнович, а кариєру предлужи у екипи ЧСК зоз Челарева.
У пририхтуюцим периодзе у планє одбавиц 6 пририхтуюци змаганя, а перше по розпорядку 10. фебруара у Коцуре процив Червинки.