И после другого уписного кругу єст шлєбодни места

автор влдї
807 Опатрене

ШИД – После другого уписного кругу ище єст шлєбодни места у Ґимназиї „Сава Шуманович” и Технїчней школи „Никола Тесла” у Шидзе.

У Ґимназиї на общим напряму од 60 єст ище 15 шлєбодни места, а на дружтвено-язичним остало ище шейц места од 30, док на економски напрям прияти шицки 30 школяре.

У Технїчней школи єст пейц шлєбодни места на фаху польопривредни технїчар од 30, за будуцих тарґовцох завжати 19 места од предвидзених 30, а єдно место шлєбодне на напряме шлосерох, бо пополнєти 14 од 15 предвидзених местох.

Шицки 30 места пополнєти на напряме електротехнїчар рахункарох, а нє було достаточно зацикавених кандидатох за инсталатера водоводного зогриваня и заварйовача, так же даскельо приявени кандидати мушели вибрац други напрями у спомнутей школи.

ПОВЯЗАНИ ТЕКСТИ