ДЮРДЬОВ – На нєшкайших позарядових Парламентарних виберанкох, у Дюрдьове на штирох виберацких местох у будинку Усновней школи, право гласа маю 4.104 гласаче. Шицки гласацки места отворени на час, процес гласаня ше одвива поряднє без зазначених проблемох и нє було длугши затримованя и чеканя у шорох.
По 10 годзин на гласацким месце число 5 од 909 приявених гласачох гласали 248 особи, односно 27,28 одсто. На тим истим виберанковим месце, по 11 годзин гласали ище 64 особи, та вукупна виходносц на тим виберанковим месце по 11 годзин була 34,32 одсто.
На виберацким месце число 6 од 674 приявених гласачох, по 10 годзин гласали 185 особи, односно 27,45 одсто. По 11 годзин гласали ище 60 особи, та вкупна виходносц на тим виберацким месце по 11 годзин була 36,35 одсто.
На виберацким месце число 7 од 872 приявених гласачох, по 10 годзин гласали 194 особи, односно 22,25 одсто. По 11 годзин гласали ище 86 особи, та вкупна виходносц на тим виберацким месце по 11 годзин була 32 одсто.
На виберацким месце число 8 од 743 приявених гласачох, по 10 годзин гласали 200 особи, односно 26,92 одсто. По 11 годзин гласали ище 45 особи, та вкупна виходносц на тим виберацким месце по 11 годзин була 37 одсто.
На виберацким месце число 9 од 906 приявених гласачох, по 10 годзин гласали 194 особи, односно 21,41 одсто. По 11 годзин гласали ище 109 особи, та вкупна виходносц на тим виберацким месце по 11 годзин була 33,44 одсто.
Вукупна виходносц по 10 годзин була 24,78 одсто, а по 11 годзин 34,48 одсто.
Гласац мож по 20 годзин, зоз собу треба вжац особну карточку або пасош.
