ИНДЇЯ/РУСКИ КЕРЕСТУР − На Войводянским змаганю за младши катеґориї – когуцики, пионирох и надїї у каратеу котре отримане вчера, 11. марца у Индїї, медзи штерацец клубами и скоро пейцсто змагателями, медалї освоєли и спортисти Карате клубу „Русин”.
После пласману на Бачким зонским змаганю у Старей Пазови, на Войводянским змаганю у катеґориї надїйох Андрей Дудаш освоєл друге место у борбох, а Ґлориян Штранґар перше место у катох и пияте место у борбох.
Обидвоме, зоз своїма пласманами, предлужа змаганє на державним уровню, 31. марца у катох и 1. априла у борбох, понеже перши шейсц места ше пласую далєй.
Одход на тото змаганє помогли родичи Штранґарово, а млади надїї пририхтал тренер Михал Орос.