МИКЛОШЕВЦИ – У парохийох Крижевского владичества у котрих жию Руснаци у Горватскей – Миклошевцох, Вуковаре, Петровцох, Винковцох, Райовим Селу, Осиєку, грекокатолїцки вирни на службох Божих преславели Квитну нєдзелю по григориянским календаре.
У церкви Рождества пречистей Дїви Мариї у Миклошевцох Службу Божу на 11 годзин служел парох вуковарски и сримски декан Крижевского владичества о. Владимир Маґоч.
З тей нагоди о. Маґоч у казанї наглашел же ше у тим тижню, з читаньом страсних євангелийох, вирни духовно пририхтую за Исусово воскресенє. На концу Служби благословел багнїтки, хтори вирни буду чувац у своїх обисцох.
