КУЛА – Општинска управа з Кули розписала Явни конкурс за додзельованє средствох за финансованє проєктох здруженьох гражданох националних меншинох.
Средства котри опредзелєни з тим Конкурсом у 2018. року виноша 750 000 динари, а наменєни су за санированє помоцних обєктох у власнїцтве або совласнїцтве здруженьох гражданох националниих меншинох.
Учашнїки Конкурсу би мали буц уписани до одвитуюцого реґистру у складзе зоз Законом, же би им шедзиско було на териториї општини Кула, и же би проєкт доприношел афирмациї роботи здруженя и витворйованю його цильох, а насампредз же би заступал потреби и интереси припаднїкох националней меншини з териториї општини Кула.
Шицки информациї мож достац у Општинскей управи Кула, як и на официйним сайту општини Кула www.kula.rs . Прияви мож придац по 28. септембер.