КОЦУР – Школяре перших, других и трецих класох ОШ „Братство єдинство“ з Коцура вовторок, 23. мая, представяли свою школу на општинско-окружних Малих олимпийних бавискох у Новим Садзе, а на Бавискох участвовали коло 35 школи з нашей жеми и реґиону.
З коцурскей Школи 36 школярє, подзелєни до екипох, на змаганю указали одличну схопносц и швидкосц на полиґону, а гоч екипи нє завжали анї єдно з перших трох местох, здобули добре искуство и нових приятельох.
Школярох на змаганє водзели учительки Єлена Русковски, Виолета Рашета и Єлена Буила.