КОЦУР – У голу Основней школи „Братство єдинство” у Коцуре на ютре, 22. децембра, будзе отримани гуманитарни Крачунски вашар.
Школяре на Крачунским вашаре буду предавац прикраски и предмети котри направели зоз своїма учительками и наставнїками, алє и дома з родичами.
Поволани шицки Коцурци же би нащивели вашар и зоз купованьом даякей прикраски потримали гуманитарну акцию.
Цали приход наменєни єдному шейсцрочному дзецку зоз Вербасу, чий живот завиши од донацийох котри ше муша назберац по 15. януар 2018. року.
Вашар будзе тирвац од 9 до 11 годзин.