ШИД – На вчерайшей схадзки Скупштина општини (СО) Шид меновала за директора ЯКП „Водовод“ мастер менаджера Марка Баїча зоз Беркасова, а за директорку ЯКП „Стандард“ Славицу Сремац, дипломовану аґроекономистку зоз Шиду, Обидвойо потераз були окончователє длужносци директора у спомнутих подприємствох.
СО прилапела и Закончуюци консолидовани рахунок општини за 2016. рок, Звит о дїлованю „Водовода“ за 2016, рок и вименки Програми дїлованя Комуналного подприємства „Явне ошвиценє, услуги и отримованє“ за 2017. рок.
Скупштина тиж констатовала задзекованє Миломира Уґлєшича зоз Ґибарцу, члена Општинскей ради, хтори задзековал пре особни причини, а на тоту функцию з тайним гласаньом вибрана Александра Жиґич зоз Шиду.