РУСКИ КЕРЕСТУР – Уж традицийни Ноцни турнир у малим фодбалу, котри ше отримує у керестурскей Старей школи, почнє 16. юлия. Дзень пред тим буду вицаговани пари, покля ше екипи и можу приявиц за участвованє.
На турнире ше буду змагац екипи пионирох (бавяче народзени од 2004. по 2006. рок), младших пионирох (дзеци народзени 2007. року и младши), ветеранє (35+) и сениоре.
Котизация за сениорох виноши 10 000 динари, за ветеранох 5 000 динари, а за пионирох и младших пионирох 2 000 динари.
Наградни фонд на тогорочним турниру богати, та побиднїк достанє 100 000 динари, другопласовани 40 000, а трецепласовани 20 000 динари. Ґу тому, окремни награди предвидзени за найлєпшого бавяча, ґолмана и ґолґетера у шицких катеґорийох.
Додатни информациї о способе приявйованя и других поєдиносцох мож достац од Ґорана Петковича 064/87 29 085 и од Желька Ороса 065/51 20 238.