РУСКИ КЕРЕСТУР – Пре вельки диждж хтори нєшка пополадню падал у Руским Керестуре, обегованя коньох котри требали буц ютре на Гиподроме „Леї” – одказани.
Як Рутенпрес дознава од Конїцкого клубу „Русин”, орґанизатора змаганя, нєт условия за змаганє, понеже уж даскельо днї подла хвиля, а младши члени Клубу уж интервеновали на гиподроме кед пред тижньом после велького дижджу на часци дражки за обегованє стала велька вода.
Нови термин отримованя обегованьох будзе познєйше обявени.