СУБОТИЦА – Школяр клавиру пиятей класи рускокерестурского Оддзелєня Школи за основне музичне образованє (ШОМО) Кула Михайло Рацпети, у класи наставнїка Мирона Сивча, 19. мая освоєл першу-1 награду на змаганю у Суботици, а першу-1 награду на клавиру освоєла и школярка першей класи ШОМО Лара Сопка з Кули, у класи наставнїци Невени Радованович.
Перши награди спомнути освоєли на змаганю „Пиянисимо” у Суботици, прецо достали поволанку участвовац и на шветочним концерту найуспишнєйших змагательох, хтори у Городскей хижи у Суботици отримани вчера, 21. мая.
На змаганю „Пиянисимо” два школярки ШОМО освоєли трецу награду – Олеся Папуґа, школярка штвартей класи клавиру у класи Танї Орсаґ у Оддзелєню у Руским Керестуре и Мартина Дер, школярка пиятей класи клавиру при наставнїци Марти Ґоґа.