КУЛА – На площи у центре Кули и у Штреднєй технїчней школи „Михайло Пупин” нєшка будзе отримана наукова манифестация „Европски днї Слунка”, хтору орґанизую Дружтво за обновююци жридла енерґиї спомнутей школи, Центер за енерґетску ефикасносц и применєну еколоґию з Беоґраду и Општина Кула.
На площи у центре Кули буду представени найновши системи и досцигнуца з обласци обновююцих жридлох енерґиї и слунковей енерґиї, а у ШТШ „Михайло Пупин” (Лази Костича 14) будзе фахови сход.
Вистава на площи будзе од 8,30 до 12, а фахови сход у Школи од 11 до 16 годзин.