НОВИ САД – Нєшка будзе отримани округли стол пошвецени животу и дїлу отца Романа Миза, котре орґанизує Роботне цело за науку Националного совиту Руснацох.
Округли стол ше отрима нєшка у Заводзе за културу войводянских Руснацох на 12 годзин. О живоце и дїлу о. Романа Миза буду бешедовац преосвящени владика др Георий Джуджар, о. Владислав Варґа, о. мр Михайло Малацко, Михал Рамач, др Янко Рамач, Микола М. Цап, Микола Шанта, Дюра Латяк и др Дюра Гарди.
Отец Роман Миз бул длугорочни новосадски парох, алє и визначни новинар, публициста, редактор, историчар, прекладатель, библиоґраф, педаґоґ и етноґраф. Обявел вецей як пейдзешат самостойни кнїжки, а упокоєл ше 13. новембра 2017. року у Новим Садзе.