ШИД – Вчера, 22. мая, на церковне швето Преношеня мощох св. о. Миколая, Месна заєднїца (МЗ) Шид означела свой Дзень.
Рано на осем годзин священїк Сербскей православней церкви (СПЦ) у МЗ пошвецел славски колач, а предсидатель Совиту МЗ др Крсто Куреш Основней музичней школи „Филип Вишнїч” зоз Шиду, хтора того року означує 55-рочнїцу постояня, додзелєл „Святоникольске припознанє“.
У православней церкви преношеня мощох св. о. Миколая зоз Службу Божу означене храмове швето, а потим процесия прешла по централних улїцох Шиду.
Вечар у спомнутей церкви отримани концерт хору Ґимназиї „Йован Йованович Змай“ з Нового Саду, а потим у Владичанским дворе СПЦ отворена вистава фотоґрафийох пошвецених русийскому царови Романовому.
Преслава закончена з концертом „Велїкани джеза“ триа Владу Маричича, хтори отримани у Музею наївней уметносци „Илиянум“.