Отримана Скупштина КПД „Дюра Киш”

автор влдї
1k Опатрене

ШИД – Пондзелок вечар, 26. марца, отримана порядна рочна Скупштина Културно-просвитного дружтва (КПД) „Дюра Киш” у Шидзе, на хторей предсидатель Дружтва Златко Манько поднєсол Звит о роботи за прешли рок, а Скупштина го прилапела.

Манько обгрунтовал и Финансийни звит за прешли рок, хтори пред тим прилапел Надпатраюци одбор, а потим и Скупштина. На дньовим шоре бул и План роботи за чечуци 2018. рок, хтори тиж прилапени.

Пре задзекованє Мирона Джуджара на функцию подпредсидателя Дружтва, Скупштина на тоту функцию вибрала Владимира Торму.

На схадзки вибрани и нови Надпатраюци одбор, чия предсидателька Нада Кечкеш, а принєшена и одлука о наплацованю членарини за полнолїтних членох Дружтва у виносу од 120 динари рочнє.

skupstina kpd djura kis 2

ПОВЯЗАНИ ТЕКСТИ