БИКИЧ – Вчера, 27. мая, на швето Сошествиє Святого Духа, у народзе познатше як Русадля, отримана традицийна манифестация „Пришли нам Русадля” у орґанизациї КПД „Иван Котляревски”.
Опрез Подручней школи „Сримски фронт” були виложени етно-штанди котри пшририхтали здруженя женох з вецей валалох шидскей општини.
Шицких нащивительох манифестациї привитал и Микола Шанта, предсидатель КУД „Жатва” и спред Националного совиту Руснацох, як його подпредсидатель.
Директорка НВУ „Руске слово” Мартица Тамаш Бикичаньом придала коло 75 виданя Установи, а тельо кнїжки придати и до Беркасова.
У Доме култури отримана културно-уметнїцка програма у хторей наступели госци – КУД „Жатва” зоз Коцура, а представели ше зоз танцами, шпиванку и поезию.
Домашнї манифестациї, члени КПД „Иван Котляревски”, виведли сценски приказ зрубованя майского древка хтори обдумали Борислав Барна и Зденко Лазор.
После концерта з музику, танцом и писню, хлопи зоз шекеру зрубали майске древко хторе ше находзело у дворе Етно хижи.