НОВИ САД – Покраїнска влада на вчерайшей схадзки утвердзела Предкладанє покраїнскей скупштинскей одлуки о Закончуюцим рахунку буджету АП Войводини за 2016. рок, зоз Звитом о запровадзованю Покраїнскей скупштинскей одлуки о буджету АП Войводини за 2016. рок.
Покраїнска влада принєсла и одлуки о числу студентох за упис на перши рок студийох на факултети у составе Универзитету у Новим Садзе у школским 2017/18. року котри буду финансовани з буджету АП Войводини.
На перши рок основних фахових, академских и интеґрованих студийох на финансованє з буджету годни ше уписац 5 456 студенти, а на перши рок мастер академских студийох и докторских академских студийох 2 962 студенти.
На перши рок основних фахових студийох у високих школох, на финансованє з буджету годни ше уписац 1 075 студенти.