РУСКИ КЕРЕСТУР – На Дзень побиди над фашизмом у Другей шветовей войни и з нагоди Дня Европи, вчера, 9. мая, на памятнїк погинутим борцом у Народноошлєбодительней войни (НОВ) у центре Руского Керестура положени венєц.
И того року венєц положели млади – Янко Хома и Себастиян Няради, а з потимовку Месней заєднїци Руски Керестур.
Присутни при памятнїку з минуту цихосци дали почесц шицким погинутим борцом НОВ, а з тей нагоди, у мено Месного одбору Здруженя борцох, Дюра Папуґа здогаднул же з Руского Керестура у НОВ и ошлебодзеню жеми од фашизму участвовали прейґ 350 млади особи, спомедзи котрих 56-еро погинули.